Header Ads

საპატრიარქო განცხადებას ავრცელებს

რუის-ურბნისის ეპარქიის მღვდელმსახურის გიორგი აბდუშელიშვილის სატელევიზიო განცხადებებს საქართველოს საპატრიარქო სპეციალური განცხადებით ეხმაურება.

„პირველი“ საპატრიარქოს განცხადებას უცვლელად გთავაზობთ.

“ამა წლის 3 ივლის ტელევიზია TV პირველი-ის გადაცემა “რეაქციაში” მონაწილეობა მიიღო რუის-ურბნისის ეპარქიის მღვდელმსახურმა გიორგი აბდუშელიშვილმა, რომელმაც 6 ივლისს სპორტის სასახლეში დაგეგმილ ღონისძიებასთან დაკავშირებული თემის პარალელურად გააჟღერა სიცრუეზე აგებული, შეურაცხმყოფელი და ყოვლად უპასუხისმგებლო ბრალდებები. მის ქმედებასთან დაკავშირებით მრევლი და სასულიერო პირები ითხოვენ დროულ რეაგირებას.

განვმარტავთ, რომ ორი დღის წინ მეუფე იაკობთან (იაკობიშვილი) დარეკა რუის-ურბნისის მმართველმა მღვდელმთავარმა, მიტროპოლიტმა იობმა (აქიაშვილი) და გამთქვა სინანული მომხდარის გამო, ამასთან განაცხადა, რომ მიიღებს მკაცრ ზომებს ზემოხსენებულ სასულიერო პირთან დაკავშირებით. ვფიქრობთ, ახლო მომავალში მეუფე იობი და მისი ეპარქია დააფიქსირებს პოზიციას, ამიტომაც საქართველოს საპატრიარქო ჯერ არ აკეთებს რეაგირებას მომხდართან დაკავშირებით”,-ნათქვამია საპატრიარქოს განცხადებაში.

მამა გიორგი აბდუშელიშვილის განცხადებით, მეუფე იაკობ იაკობაშვილი პატრიარქის მოსაყდრეს არ ემორჩილება.

„ეს ადამიანი საერთოდ არის გამოსაძევებელი საპატრიარქოდან იმიტომ, რომ მას უჭირავს ყველაფერი საპატრიარქოში და ის მართავს საპატრიარქოს”,-განაცხადა მამა გიორგი აბდუშელაშვილმა.

 

წყარო

Автор изображений для темы: Jason Morrow. Технологии Blogger.