Header Ads

მოზარდების მკვლელობის საქმე ომბუდსმენი სამოხელეო დანაშაულის ფაქტებზე საუბრობს

ნინო ლომჯარია

სახალხო დამცველი არასრულწლოვნების მკვლელობის საქმის გამოძიებაზე პასუხისმგებელი პირების დასჯას მოითხოვს. ნინო ლომჯარიამ პროკურატურას ოფიციალურად მიმართა.

სახალხო დამცველმა განცხადება ხორავას ქუჩაზე მომხდარი მკვლელობის საქმის მასალების და საგამოძიებო კომისიის სხდომაზე გამომძიებლების დაკითხვის შემდეგ გააკეთა.

ლომჯარია ამბობს, რომ იკვეთება სამოხელეო დანაშაულის შესაძლო ფაქტები, რადგან გამოძიებამ საქმის ობიექტურად წარმართვა ვერ უზრუნველყო და გამოძიება არ ემსახურებოდა ყველა დამნაშავის გამოვლენას და დასჯას.

„ჩვენ ასევე მოვუსმინეთ იმ პროკურორების და გამომძიებლების პასუხებს კითხვებზე, რომელიც დაისვა საგამოძიებო კომისიაში და მიგვაჩნია, რომ აღნიშნული პასუხები დასაბუთებლად და არგუმენტირებულად ვერ სცემდა პასუხებს იმ კითხვებს თუ რა ლეგიტიმური მიზანი ან საგამოძიებო სტრატეგია ამოძრავებდა გამოძიებას მაშინ, როდესაც მთელი რიგი საგამოძიებო ძალიან მნიშვნელოვანი, გონივრული და აუცილებელი საგამოძიებო მოქმედებები არ ჩატარდა, ან ჩატარდა დაგვიანებით, შესაბამისად, სახალხო დამცველის აპარატის შემოწმების შედეგებით იკვეთება, რომ სახეზეა სამოხელეო დანაშაულის ერთ-ერთი ან ორივე შემადგენლობა, სამსახურებრივი გულგრილობა ან სამსახურებრივი უფლებამოსილების ბოროტად გამოყენება იმის მიხედვით, თუ სუბიექტური მხარის რა ნიშნები იკვეთება აღნიშნული ქმედებების უკან, განზრახ არაეფექტური გამოძიება თუ გაუფრთხილებლობით არაპროფესიონალური მიდგომა ან და ზერელე დამოკიდებულება დაკისრებულ მოვალეობათა შესრულებასთან დაკავშირებთ,“- განაცხადა ნინო ლომჯარიამ.

წყარო

Автор изображений для темы: Jason Morrow. Технологии Blogger.